મહિલા વન-ડે વર્લ્ડ કપમાં ઇંગ્લેન્ડે સાઉથ આફ્રિકાને 10 વિકેટના વ્યાપક માર્જિનથી હરાવ્યું. ગુવાહાટીના બારસાપારા સ્ટેડિયમ ખાતે પ્રથમ બેટિંગ કરતી સાઉથ આફ્રિકાની મહિલા ટીમ 69 રનમાં ઓલઆઉટ થઈ ગઈ. ઇંગ્લેન્ડે 14.1 ઓવરમાં એક પણ વિકેટ ગુમાવ્યા વિના ટાર્ગેટ ચેઝ કરી લીધો.
7 રન આપીને 3 વિકેટ લેનાર લિન્સી સ્મિથને પ્લેયર ઓફ ધ મેચ જાહેર કરવામાં આવી. એમી જોન્સે 40 અને ટેમી બ્યુમોન્ટે 21 રન બનાવ્યા. ઈંગ્લેન્ડ અને સાઉથ આફ્રિકા મહિલા ટીમ વચ્ચેની વન-ડેમાં આટલો ઓછો સ્કોર પહેલી વાર બન્યો છે.
10 બેટર્સ 7 રન પણ બનાવી શક્યા નહીં શુક્રવારે ગુવાહાટીમાં ઇંગ્લેન્ડે ટૉસ જીતીને બોલિંગ કરવાનો નિર્ણય લીધો. સાઉથ આફ્રિકાની શરૂઆત ખૂબ જ ખરાબ રહી, તેણે 19 રનમાં ચાર વિકેટ ગુમાવી દીધી. લિન્સી સ્મિથે ત્રણ અને લોરેન બેલે એક વિકેટ લીધી. કેપ્ટન લૌરા વોલ્વાર્ડટે 5, સુને લુસએ 2, મેરિઝાન કેપે 4 અને તાજમિન બ્રિટ્ઝે 5 રન જ બનાવી શક્યાં.
નવમા ઓવરમાં એનેકે બોશ પણ 6 રન બનાવીને આઉટ થઈ. પહેલા પાવરપ્લેમાં પાંચ વિકેટ ગુમાવ્યા બાદ, ટીમ વાપસી કરવામાં નિષ્ફળ રહી. વિકેટકીપર સિનાલો જાફ્ટાએ 22 રન બનાવ્યા. તેના પછી, નોનકુલુલેકા મ્લાબાએ 3, ક્લો ટ્રાયોને 2, નાદીન ડી ક્લાર્કે 3, આયાબોંગા ખાકાએ 6 અને મસાબાતા ક્લાસે 3 રન બનાવ્યા